Como vedes, este espazo, a miña web, non é unicamente un espazo profesional, neste blog gustaríame poder compartir con vos a diversidade dos meus intereses, recursos artísticos relevantes, proxectos de outras mulleres…

A través da actualización das noticias do blog identificaredes o meu compromiso social, a miña curiosidade e a miña bontade de aprendizaxe e de transformación social, da man das imaxes e da divulgación. 

Sinto que calquera plataforma ou proxecto do que forme parte estará inevitablemente vinculada ao activismo feminista, e nesta primeira entrada do blog, sinto como obriga moral transmitir información que poida aportar seguridade e coidados ás mulleres que poidan aceder ao meu contido na rede.

Sendo así, adxunto unhas ilustracións divulgativas neste eido, que podedes descargar e compartir noutras plataformas, sen ánimo de lucro, con intencionalidade informativa e sempre nomeándome como creativa.